Heydər Əliyev Park-Kompleksi dünyanın ən böyük parklarından biridir. Ümumi sahəsi 450 hektar olan park-kompleksin əhatə etdiyi ərazidə Heydər Əliyev Mərkəzi, Amfiteatr, süni göl və ziyafət zalı var. Parkın girişində Zəfər tağı yerləşir. Park-Kompleksin açılışı 2014-cü il yanvarın 21-də baş tutub. Heydər Əliyev Park-kompleksi günümüzdə Gəncə sakinləri və şəhərə gələn qonaqların əsas istirahət məkanlarından biridir.