/ / Gəncədə Milad bayramı qeyd olunub

Gəncədə Milad bayramı qeyd olunub

262 Baxış

Gəncədə Milad bayramı qeyd olunub

Gəncədəki Aleksandr Nevski adına Rus Pravoslav Kilsəsində Milad bayramı qeyd edilib

Pravoslav təqviminə əsasən İsa peyğəmbərin doğulduğu gün - 7 yanvar ərəfəsi, yəni Milad bayramı axşamı Gəncədə yaşayan pravoslav xristianlar kilsədə müqəddəs bayramlarının gəlişini birgə qeyd ediblər.

Əvvəlcə Azərbaycan Respublikasının Prezidenti İlham Əliyevin Milad bayramı ilə bağlı təbriki oxunub. Daha sonra Aleksandr Nevski kilsəsinin dini heyəti Həzrəti İsanın mövludu ilə bağlı ayinlər icra edib.

Pravoslavlar kilsədə şamlar yandıraraq, sülh, əmin-amanlıq və xoşbəxtlik diləkləri ilə dualar oxuyub, xaç suyu içiblər.

Vətən müharibəsində şəhid olanların da ruhuna dualar oxunub.

Qeyd edək ki, xristian aləminin ən əlamətdar və təntənəli bayramlarından sayılan Milad ənənəyə görə, İsa Məsihin Vifleyem şəhərində dünyaya gəlməsinin şərəfinə qeyd olunur. Hazırda yüzdən artıq ölkədə rəsmi dövlət bayramı sayılır.

Xatırladaq ki, Gəncə şəhərində təxminən 200 ailədən artıq pravoslav yaşayır.

Gəncədə Milad bayramı qeyd olunub
Gəncədə Milad bayramı qeyd olunub
Gəncədə Milad bayramı qeyd olunub
Gəncədə Milad bayramı qeyd olunub

FOTO / VİDEO
VİDEO