/ / QMİ-nin Qərb bölgəsi üzrə səlahiyyətli nümayəndəsi Aşura günü ilə bağlı sakinlərə müraciət edib

QMİ-nin Qərb bölgəsi üzrə səlahiyyətli nümayəndəsi Aşura günü ilə bağlı sakinlərə müraciət edib

41 Baxış

QMİ-nin Qərb bölgəsi üzrə səlahiyyətli nümayəndəsi Aşura günü ilə bağlı sakinlərə müraciət edib

Bu gün İslam dünyasında Tasua günü qeyd edilir. Sabah isə Məhərrəm ayının 10-cu günü, yəni Aşuradır. Bununla əlaqədar olaraq Qafqaz Müsəlmanlar İdarəsinin Qərb bölgəsi üzrə səlahiyyətli nümayəndəsi Hacı Tahir Abbasov sakinlərə müraciət edib. Müraciətdə deyilir:

“Əziz Gəncə camaatımız, Azərbaycan xalqımız, qəhrəman millətimiz. Hər il Məhərrəm ayının 9-cu və 10-cu günü “İmamzadə” ziyarətgahındakı İmam Hüseyn meydanında və şəhərimizin məscidlərində təziələr keçirmişik. Ötən il bütün dünyanı cənginə alan COVİD-19 pandemiyası ilə əlaqədar Nazirlər Kabineti yanında Operativ Qərargahın tələb və tövsiyyələrini nəzərə alaraq bu yığıncaq və təziələri keçirməmək qərarına gəldik. Şəhərimizin insaları da sağ olsunlar ki, bu qərarımızı anlayışla qarşıladılar.

Məlumunuzdur ki, COVİD-19 pandemiyası hələ də davam etməkdədir. Şəhər camaatımıza, İmam Hüseyn sevərlərə çatdırmaq istəyirik ki, insanların sağlamlığını qorumaq üçün bu gün və sabah kütləvi tədbirlərin keçirilməsi nəzərdə tutulmur.

Xalqımız uzun illərdir Azərbaycanın müstəqilliyi, suverenliyi və ərazi bütövlüyü uğrunda canında keçən şəhidlərimizin əziz xatirəsini yad edir. Anım günlərində insanlarımız necə sıra ilə, aramla şəhidlərimizin məzarlarını ziyarət edirlərsə, eyni təmkini Aşura günündə də göstərməlini xahiş edirik.

Bilirik ki, niyyət etmiş, “İmamzadə” ziyarətgahına gəlmək, burada tədbir keçirmək istəyən insanlarımız var. Nəzərinizə çatdırım ki, “İmamzadə” ziyarətgahının qapısı hər kəsin üzünə açıqdır. Ziyarətə gələcək şəxslərdən xahişimiz budur ki, qoyulan tələbləri anlayışla qarşılayıb, əməl etsinlər. Gəncə sakinləri və şəhərimizin qonaqları mərkəzi girişdən keçərək, tək sıra şəklində Şahzadə İbrahimin məzarını ziyarət edə bilərlər. Lakin bir yerə toplaşmaq, dəstələr yaradaraq təziələr demək məqsədəuyğun hesab edilmir. Həmçinin bu gün və sabah xüsusi risk qrupuna aid olan yaşlı insanların və uşaqların ziyarətə gəlməsi tövsiyyə olunmur.

Hər anadan, hər bacıdan, hər qardaşdan xahiş edirəm – özünüzü qoruyun. Evlərinizə səadət, dövlətimizə qüdrət, ordumuza rəşadət, qazilərimizə şəfaət, şəhidlərimizə rəhmət diləyirəm”.


QMİ-nin Qərb bölgəsi üzrə səlahiyyətli nümayəndəsi Aşura günü ilə bağlı sakinlərə müraciət edib

FOTO / VİDEO
VİDEO