/ / Tovuzda barama tədarükünə başlanılıb

Tovuzda barama tədarükünə başlanılıb

21 492 Baxış

Tovuzda barama tədarükünə başlanılıb

Prezident İlham Əliyevin tapşırığına əsasən respublikamızda ipəkçiliyin inkişaf etdirilməsi ilə bağlı həyata keçirilən tədbirlər, bu sahəyə dövlət dəstəyinin gücləndirilməsi Tovuz rayonunda da ənənəvi sahələrdən olan baramaçılığın inkişafına təkan verib.

Tovuz rayonunda istehsalçılardan yaş barama tədarükünə başlanılıb. Mövsümün ilk günündə Bozalqanlı, Yanıqlı, Hunanlar, Aşağı Öysüzlü, Düz Cırdaxan və digər kəndlərin kümçüləri birincilər sırasında “Azəripək” MMC-nin rayondakı qəbul məntəqəsinə 747 kiloqram yüksək keyfiyyətli yaş barama təhvil veriblər.

Tovuz Rayon İcra Hakimiyyətinin başçısı Məmməd Məmmədov yaş baramanın təhvil verilməsində iştirak edərək, kümçülərlə görüşüb, onları dinləyib, fikirlərini bölüşüb, qeyri-neft sektorunun strateji istiqaməti kimi baramaçılığın inkişafı ilə bağlı həyata keçirilən dövlət siyasəti haqqında ətraflı məlumat verib.

Kümçülər cənab Prezident İlham Əliyevin baramaçılığın inkişafı ilə bağlı qarşıya qoyduğu vəzifələrin əhalinin həyat səviyyəsinin yüksəldilməsinə xidmət etdiyini, qısa müddət ərzində zəhmətlərinin bəhrəsini gördüklərini bildirib, ipəkçiliyin gəlirli sahə kimi bundan sonra da inkişaf etdiriləcəyinə əminliklərini ifadə ediblər.

Tovuzda barama tədarükünə başlanılıb Tovuzda barama tədarükünə başlanılıb Tovuzda barama tədarükünə başlanılıb

FOTO / VİDEO
VİDEO